रेशम-रञ्जिता सम्बन्धमा नयाँ मोड, बहुविवाहको मुद्दा हाल्ने तयारीमा रञ्जिता

काठमाडौं– पूर्वमन्त्री तथा राजनीतिकर्मी रञ्जिता श्रेष्ठले श्रीमान् रेशम चौधरीविरुद्ध कानुनी बाटो रोज्ने संकेत गरेपछि राजनीतिक वृत्तमा मात्रै होइन, उनको पारिवारिक सम्बन्धलाई लिएरसमेत विभिन्न चर्चा प्रारम्भ भएको छ । तर रञ्जिताले भने आफूले डिभोर्सका लागि नभई बहु–विवाहसम्बन्धी मुद्दा दर्ताको तयारी गरेको बताएकी छिन् ।

रञ्जिताले सामाजिक सञ्जालमा लेखेको पछिल्लो स्टाटसले उनको आगामी कदमबारे विभिन्न अड्कलबाजी प्रारम्भ भएको थियो । उनले कानुनले जे ठहर गर्छ त्यसको जिम्मेवारी लिनुपर्ने अवस्था आए त्यसबाट पछि नहट्ने संकेत गरेकी थिइन् ।