पाउ कुबार्सीः स्पेनको सफलताको खास हकदार अर्का किशोर सुपरस्टार

स्पेन विश्वकप उपाधिबाट अब केवल एक जित टाढा छ । यस सफलताका पछाडि सबैको ध्यान लामिन यामालतर्फ केन्द्रित भए पनि, स्पेनको रक्षापंक्तिमा अर्को १९ वर्षीय किशोरले पनि असाधारण प्रदर्शन गरिरहेका छन् । उनी हुन् पाउ कुबार्सी ।

बार्सिलोनाका युवा सेन्टर–ब्याक कुबार्सीले विश्वकप सेमिफाइनलमा फ्रान्सका कप्तान किलियन एम्बाप्पे र उनका स्टार आक्रमणकारीहरूलाई पूर्ण रूपमा निष्प्रभावी बनाउँदै स्पेनलाई २–० को जित दिलाउन महत्त्वपूर्ण भूमिका खेले । यो प्रतियोगितामा स्पेनले सात खेलमध्ये छ खेलमा क्लिन सिट राखेको छ । यो तथ्याङ्कको पछाडि सबैभन्दा बढी कसैको योगदान छ भने त्यो कुबार्सीको छ ।