कपिलवस्तु कांग्रेसमा विवाद चुलियो, असन्तुष्ट पक्षद्वारा विद्रोहको चेतावनी

कपिलवस्तु । नेपाली कांग्रेस कपिलवस्तुमा जिल्ला नेतृत्वको कार्यशैलीलाई लिएर असन्तुष्ट पक्षले प्रश्न उठाएको छ। जिल्लाका १० जना नेताहरूले संयुक्त विज्ञप्ति जारी गर्दै पार्टीको जिल्ला नेतृत्वले विधान विपरीत गतिविधि गरेको र मनोमानी ढङ्गले कारबाहीको आतङ्क मच्चाएको आरोप लगाएका छन्।

उनीहरूद्वारा जारी प्रेस विज्ञप्तिमा लेखिएको छ, ‘जिल्ला नेतृत्वको एकतर्फी, अन्यायपूर्ण र तथाकथित कारबाहीले आन्तरिक लोकतन्त्रमा गम्भीर आघात पुर्‍याएको छ।’ असन्तुष्ट पक्षले जिल्ला नेतृत्वमाथि पाँच वटा आरोप लगाएको छ ।