एनवाईईएफ स्टार्टअप अवार्ड सम्पन्न, हप्पु ट्रीट्स बन्यो विजेता

काठमाडौं । नेपाली युवा उद्यमी मञ्च (एनवाईईएफ) काठमाडौं च्याप्टरद्वारा आयोजित ‘एनवाईईएफ स्टार्टअप अवार्ड’ को पाँचौँ संस्करण सम्पन्न भएको छ । नवप्रवर्तनशील स्टार्टअपहरूलाई पहिचान र प्रोत्साहन गर्ने उद्देश्यले आयोजना गरिएको यस प्रतियोगितामा उत्कृष्ट स्टार्टअपहरूलाई पुरस्कृत गरिएको छ ।

यस संस्करणको विजेता हप्पु ट्रीट्स घोषित भएको छ । विजेता स्टार्टअपले नगद ५ लाख रुपैयाँ पुरस्कार प्राप्त गरेको छ । त्यस्तै, प्रतियोगितामा गरुड एक्स मल्टिपर्पोज पहिलो रनरअप बनेको छ । उक्त स्टार्टअपले ३ लाख रुपैयाँ प्राप्त गरेको छ ।