इंग्ल्याण्डविरुद्ध किन नीलो जर्सीमा मैदान उत्रिँदैछ अर्जेन्टिना ?

एट्लान्टा । केही खेलहरू तथ्याङ्कका कारण मात्र नभएर आफू पछाडि छोडेर जाने इतिहास र कथाहरूका कारण सधैँ स्मरण गरिने गर्छन् । तथ्याङ्कले केवल अङ्क मात्र रेकर्ड गर्छ, तर इतिहास भने मानिसहरूको सम्झनामा जीवित रहन्छ ।

अर्जेन्टिना र इंग्ल्याण्डबिचको भिडन्तले सधैँ सन् १९८२ को फकल्यान्ड युद्ध, सन् १९८६ मा एज्टेका रङ्गशालाको त्यो चर्चित दिउँसो, डिएगो म्याराडोनाको ‘ह्यान्ड अफ गड’, शताब्दीकै उत्कृष्ट गोल र डेभिड बेकह्याम तथा डिएगो सिमोनीबिचको रिसिइबीको सम्झना ताजा गराइदिन्छ ।