पुल बनेपछि आवतजावत सहज

कैलालीको टीकापुर नगरपालिका र बर्दियाको गेरुवा गाउँपालिका जोड्ने कर्णाली नदीमा पक्की पुल निर्माण भएपछि आवागमनमा सहज भएको छ ।

वर्षौंदेखिको डुङ्गाको सवार यस वर्षबाट सधैँका लागि बन्द भएको छ । सम्झौता भन्दा दुई महिना अगाडि नै पुलको काम सम्पन्नको चरणमा पुगेको छ । “टीकापुर हाम्रा लागि नजिकको बजार बनेको छ”, गेरुवा गाउँपालिकाकी शान्ती चौधरी भन्नुहुन्छ, “कामको खोजीका लागि टीकापुरसम्म पुग्न समस्या हुनेछैन ।” उहाँले पारिवारिक सम्बन्धका हिसाबले पनि गेरुवा र टीकापुरको नजिक भएको बताउनुभयो ।