बंगलादेश टी–२० विश्वकपबाट बाहिरिने निर्णय तत्कालीन खेलकुद मन्त्रीकै थियो :  छानबिन समिति

काठमाडौँ । बंगलादेशको पुरुष टी–२० विश्वकपबाट बाहिरिने निर्णय तत्कालीन खेलकुद मन्त्री तथा अन्तरिम सरकारका खेलकुद सल्लाहकार आसिफ नजरुलले एकल रूपमा गरेको सरकारी छानबिन समितिले निष्कर्ष निकालेको छ ।

बंगलादेशको युवा तथा खेलकुद मन्त्रालयले गठन गरेको तीन सदस्यीय छानबिन समितिले मंगलबार सार्वजनिक गरेको प्रतिवेदनमा बंगलादेश क्रिकेट बोर्ड (बीसीबी) ले भारतमा हुने टी–२० विश्वकपका खेलमा सहभागिता नजनाउने निर्णयमा तत्कालीन खेलकुद मन्त्री नजरुलको प्रमुख भूमिका रहेको उल्लेख गरिएको छ ।