बाढीपीडितका लागि 'एलिफेन्ट्स इन द फग'को फ्रान्समा विशेष प्रदर्शन

नेपालबाट आगामी अस्कर अवार्डका लागि सिफारिस भएको फिल्म 'तिनीहरूः एलिफेन्ट्स इन द फग'ले भोटेकोशी बाढीबाट प्रभावितका लागि सहयोग जुटाउन फ्रान्समा विशेष च्यारिटी स्क्रिनिङ गर्ने भएको छ।

कान्स फिल्म फेस्टिभलको 'अन सर्टेन रिगार्ड' विधामा 'जुरी प्राइज' जितेको फिल्म फ्रान्समा आगामी सेप्टेम्बर २३ मा रिलिज हुँदैछ। त्यसअघि सेप्टेम्बर १७ मा पेरिसस्थित यूजीसी लेस हाल्समा विशेष प्रिभ्यू स्क्रिनिङ आयोजना गरिने निर्माण पक्षद्वारा जारी विवरणमा उल्लेख छ।