फुटको खतरा जसपामा, मधेशवादी दलहरु राजनीतिक समिकरणको नयाँ विकल्पमा जुटे !

स्थानीय चुनावको नतिजाबाट आफ्नो विरासतमा धक्का लागेको महसुस गरेका मधेशवादी दलहरु राजनीतिक समिकरणको नयाँ विकल्पमा जुटेका छन । मधेशबादी दलहरुबीच नै गठबन्धन बनाउने गरी उनीहरु आन्तरिक तयारी तयारीमा जुटेका छन् । अर्कातर्फ सरकारमै भएकाहरु बाहिरिने र नभएकाहरु थपिने खालको अवस्था समेत सिर्जना भएको छ । स्थानीय तह निर्वाचनको नतिजाबाट मधेशवादी दलहरुले पनि धक्काको महसुस गरेका छन् ।

विगतमा प्रदेश सरकार नै बनाउने हैसियत बनाएका उनीहरु अहिले टुटफुटका कारण आफ्नै आधार क्षेत्रमा अस्तित्वको लडाई लडिरहेको छन । जहाँ कांग्रेसले आफ्नो पुरानो शाख फिर्ता ल्याउदाँ मधेशवादी दलहरुका लागि भने चुनौती थपिएको छ । फलता उनीहरु यतिवेला सम्भावित राजनीतिक समिकरणको तयारीमा जुटेका छन । यहिवीचमा लोकतान्त्रिक समाजवादी पार्टी लोसपा सरकारमा सहभागि हुने तरखरमा छ भने जनता समाजवादी पार्टी जसपा बाहिरिने सम्भावना बढेको छ ।