चालकको लापरवाही र कमजोर लाइसेन्स प्रणालीले सडक दुर्घटना भयो : पुकार बम

प्रतिनिधिसभा सदस्य पुकार बमले चालकको लापरवाही, कम उमेर र अनुभवको कमी तथा सवारी चालक अनुमतिपत्र वितरण प्रणाली प्रभावकारी नहुँदा सडक दुर्घटना बढिरहेको बताएका छन्।

प्रतिनिधिसभाको बैठकमा बोल्दै बमले पछिल्लो समय विद्युतीय सवारी (ईभी) दुर्घटनाको दर बढेको देखिए पनि दुर्घटनाको कारणलाई ईभीमा मात्र सीमित गरेर हेर्न नहुने बताए। उनले समग्र सडक सुरक्षा प्रणाली, चालकको सीप, अनुभव, लाइसेन्स प्रणाली र नियमनको अवस्थाबारे गम्भीर समीक्षा आवश्यक रहेको बताए।