एसियाड क्रिकेट :  एक खेल जिते नेपालले भारत वा श्रीलंकासँग क्वार्टरफाइनल खेल्ने

काठमाडौँ । जापानमा हुने २०औँ एसियाली खेलकुद (एसियाड) अन्तर्गत पुरुष क्रिकेटमा नेपालले समूह चरणमा एउटा खेल जित्न सके क्वार्टरफाइनलमा प्रवेश गर्नेछ । क्वार्टरफाइनलमा पुगेपछि नेपालले भारत वा श्रीलंकामध्ये एक टोलीसँग प्रतिस्पर्धा गर्ने सम्भावना हुनेछ । एसियाली खेलकुदको पुरुष क्रिकेटमा १० टोली सहभागी छन् ।

नेपालसहित अफगानिस्तान र आयोजक जापान समूह ‘ए’ मा छन् । समूह ‘बी’ मा हङकङ, मलेसिया र ओमान छन् । भारत, पाकिस्तान, बंगलादेश र श्रीलंकाले भने सोझै क्वार्टरफाइनलमा स्थान बनाएका छन् ।