मानवअधिकार रक्षाका लागि कडा कानून आवश्यक : अध्यक्ष मगर

काठमाडौं : राष्ट्रिय मानवअधिकार आयोगका अध्यक्ष तपबहादुर मगरले व्यावसायिक क्षेत्रलाई मानव अधिकार तथा उपभोक्ता अधिकारप्रति उत्तरदायी बनाउन जनचेतना अभिवृद्धि गर्नुपर्ने बताएका छन् ।

आयोगले बुधबार काठमाडौंमा आयोजना गरेको व्यवसाय र मानवअधिकारसम्बन्धी राष्ट्रिय संवादमा अध्यक्ष मगरले व्यवसाय सञ्चालन गर्दा नागरिकको हकअधिकारको रक्षा हुनुपर्ने भन्दै यसका लािग जनचेतना अभिवृद्धि गर्नुपर्ने बताएका हुन् ।

व्यवसाय, व्यावसायिक गतिविधिसँग सम्बन्धित वातावरण संरक्षण तथा आदिवासी समुदायका अधिकारप्रति सचेतना अभिवृद्धिका लागि सम्बन्धित निकायलाई उत्प्रेरित गर्नुपर्ने उनको भनाइ छ । उनले मानवअधिकारको रक्षाका लागि कडा कानून आवश्यक रहेको बताए ।

कार्यक्रममा आयोगले व्यवसाय र मानव अधिकारसम्बन्धी कार्ययोजनाका विषयमा संघ, प्रदेश र ७५३ स्थानीय तहबाट आयोगले अनुमगन गरी प्रतिवेदन तयार गरिरहेको जानकारी दिए ।