रोकिएन नेप्सेको ओरालो यात्रा

काठमाडौँ। नेप्सेको ओरालो यात्रा रोकिएको छैन। साताको तेस्रो कारोबार दिन आज (बुधबार) पनि नेप्से दोहोरो अंकले घटेको छ। दिनभर उतारचढाव रहेको नेप्से अन्तत: १४.४५ अंकले घटेको हो। नेप्सेको कारोबार रकम भने अघिल्लो दिनको तुलनामा थोरै बढेको छ।

अघिल्लो कारोबार दिनको तुलनामा आज ०.५४ प्रतिशतले घट्दै नेप्से २६६०.०२ विन्दुमा रोकिएको छ। मंगलबार नेप्से २६.१६ अंकले घटेको थियो। सोमबार भने १.४६ अंकले घटेको थियो।