दक्षिण कोरियालाई स्तब्ध पार्दै जोर्डन पहिलो पटक फाइनलमा

२४ माघ, काठमाडौं । जोर्डन पहिलो पटक एएफसी एसियन कपको फाइनल पुगेको छ । दुई पटकको विजेता दक्षिण कोरियालाई २-० ले पराजित गर्दै जोर्डन कतारमा जारी एसियन कप २०२४ को फाइनल प्रवेश गरेको हो ।

अहमद विन अली स्टेडियममा मंगलबार भएको खेलको पहिलो हाफ गोलरहित बराबरीमा रोकिएको थियो । तर दोस्रो हाफमा जोर्डनले दुई गोल गर्दै दक्षिण कोरियालाई स्तब्ध बनायो ।