लिङ्देनलाई राप्रपा वाग्मतीका सांसदको चुनौती- बीक्री भएको प्रमाण २४ घण्टाभित्र दिनुस्

काठमाडौं । राष्ट्रिय प्रजातन्त्र पार्टी (राप्रपा) वागमती प्रदेशका सांसदहरूले पार्टी अध्यक्ष राजेन्द्र लिङ्देनलाई आफूहरू बिक्री भएको प्रमाण २४ घण्टाभित्र दिन चुनौती दिएका छन् ।

बुधबार पार्टी कार्यलय धुम्बाराहीमा ज्ञापनपत्र बुझाउँदै उद्धव थापाले को बिक्यो, कति रकममा बिक्यो, कसले किन्यो, कहिले, कहाँ र कसरी लेनदेन भयो ? भन्ने विवरणसहित प्रमाण सार्वजनिक गर्न चुनौती दिए । प्रमाण दिन नसके अध्यक्षले सार्वजनिक रूपमा माफी माग्नुपर्ने उनको भनाइ छ ।