‘राजेन्द्रजी, अति भयो!’ भन्दै रविन्द्र मिश्रले लिङ्देनलाई सोधे– चैत १४ गते किन जारी गर्नुभयो यस्तो विज्ञप्ति?

काठमाडौं– राष्ट्रिय प्रजातन्त्र पार्टी (राप्रपा)का पूर्वउपाध्यक्ष रविन्द्र मिश्रले पार्टी अध्यक्ष राजेन्द्र लिङ्देनले चैत १५ गते तीनकुनेमा भएको आन्दोलनबारे दिएको अभिव्यक्तिको प्रतिवाद गरेका छन्।

मिश्रले सामाजिक सञ्जालमा लामो स्टाटस लेख्दै लिङ्देनलाई ‘अति भयो’ भन्दै आफूविरुद्ध पटक–पटक आरोप लगाए पनि अहिलेसम्म मौन बसेको बताएका छन्। तर, तीनकुने आन्दोलनलाई लिएर फेरि ‘विदेशी उक्साहट’को आरोप लगाइएपछि भने आफूले जवाफ दिन बाध्य भएको उनको भनाइ छ।