गर्भावस्थाको सुटिङ अफवाह भन्दै माधुरीले गरिन् टिप्पणी

निर्देशक सञ्जय लिला भन्सालीको सन् २००२ मा सार्वजनिक भएको चलचित्र ‘देवदास’ को चर्चित गीत ‘डोला रे डोला’को छायांकनसँग सम्बन्धित एउटा रोचक विषय सार्वजनिक भएको छ। यो चलचित्रको गीतको छायांकनको समय बलिउड अभिनेत्री माधुरी दीक्षीत चार महिनाकी गर्भवती थिइन् र उनलाई उच्च ज्वरो पनि आएको थियो। तर पनि उनले कुनै स्टेप परिवर्तन गर्न नमानी पूर्ण समर्पणका साथ छायांकन जारी राखिन्। कोरियोग्राफर सरोज खानकी सहयोगी रुबिना खानले एक युट्युब च्यानललाई अन्तर्वार्तामा यस्तो दाबी गरेकी थिइन्। उनको यो दाबीले खुब चर्चा पाएको थियो।

कोरियोग्राफर सरोज खान कोरियोग्राफर सरोज खानको टोलीमा काम गरेकी रुबिना खानका अनुसार “डोला रे डोला” गीतको छायांकन १७ दिनसम्म चलेको थियो भने करिब एक महिनासम्म तयारी गरिएको थियो। गीतमा रहेको एउटा कठिन स्टेपका कारण माधुरीलाई गर्भावस्थामा चक्कर आउने समस्या भएको थियो, तर उनले हार मानिनन्। त्यसबेला ऐश्वर्या राय बच्चन र माधुरी दुवैले कडा मेहनतका साथ तयारी गरेका थिए।