विराटनगर महानगरको ३ अर्ब ५६ करोडको बजेट, पूर्वाधार विकासमा सर्वाधिक जोड

काठमाडौं- विराटनगर महानगरपालिकाले आगामी आर्थिक वर्ष २०८३/८४ का लागि ३ अर्ब ५६ करोड ४७ लाख रुपैयाँको अनुमानित बजेट प्रस्तुत गरेको छ। महानगरकी उपप्रमुख शिल्पा निराला कार्कीले नगरसभामा नीति, कार्यक्रम तथा बजेट प्रस्तुत गर्दै विकास निर्माण र सेवा प्रवाहलाई प्राथमिकतामा राखिएको बताइन्।

महानगरले आगामी आर्थिक वर्षमा सङ्घीय तथा प्रदेश सरकारको अनुदान, राजस्व बाँडफाँड, आन्तरिक आय र बैंक मौज्दातसमेत गरी ३ अर्ब ४६ करोड ५७ लाख रुपैयाँ आय हुने अनुमान गरेको छ। खर्चतर्फ भने सशर्त कार्यक्रमसहित कुल ३ अर्ब ५६ करोड ४७ लाख रुपैयाँ बराबरको बजेट प्रस्ताव गरिएको छ।