आफ्ना सांसद संसद बैठकमा गए/नगएको मोबाइलबाटै यसरी थाहा पाउनुहोस्

काठमाडौं । अब संसद्मा को-को सांसद आए, को आएनन् र कुन दिन कति जना सहभागी भए भन्नेबारे अनलाइनबाटै हेर्न सकिने भएको छ ।

संघीय संसद् सचिवालयले नयाँ ‘डिजिटल पार्लियामेन्ट प्लेटफर्म’ सञ्चालनमा ल्याएको छ, जहाँ सांसदहरूको उपस्थिति, विधेयकको अवस्था, क्यालेन्डर, समिति तथा उपसमितिका विवरणहरू एउटै प्लेटफर्ममा हेर्न सकिन्छ। यो वेबसाइटमा संसद् बैठकसम्बन्धी सूचना पनि सचिवालयले राख्ने गरेको छ।