एआई विकास सुस्त बनाउने प्रस्तावमा एनभिडिया र मेटाको असहमति

आर्टिफिसियल इन्टेलिजेन्स (एआई) को विकासमा सम्भावित जोखिम कम गर्न अनुसन्धानको गति सामूहिक रूपमा सुस्त बनाउनुपर्ने प्रस्तावप्रति एनभिडियाका प्रमुख कार्यकारी अधिकृत (सिइओ) जेन्सेन हुआङ र मेटाका सिइओ मार्क जुकरबर्गले असहमति जनाएका छन्।

पछिल्ला दिनमा उच्च क्षमताका एआई विकास गरिरहेका कम्पनीहरूले सुरक्षाका नाममा अनुसन्धानको गति समन्वय गरेर घटाउनुपर्ने प्रस्ताव अघि सारेका छन्। तर हुआङ र जुकरबर्गले एआईबाट उत्पन्न हुन सक्ने जोखिम व्यवस्थापनको जिम्मेवारी प्रत्येक कम्पनी आफैंले लिनुपर्ने बताएको भनेर फाइनान्सियल टाइम्सले जनाएको छ।