नेपालमा अहिले क्यान्सरको औषधि अभाव किन, सरकार के गर्दै छ

"एक त बिरामीको अवस्था अर्को अत्यावश्यक औषधि नपाइने। चिकित्सकहरू औषधि तत्काल चाहियो भन्छन्, हामीले कताबाट ल्याउनु। एकदमै कठिन भयो," हालै क्यान्सरकी बिरामी आफ्नी आमाको कीमोथेरपी गराउँदा आवश्यक औषधि सहजै भेट्टाउन नसकिएको पीडादायी अनुभव विश्वराज सापकोटाले सुनाए।

निश्चित समयको अन्तरालमा कीमोथेरपी गराउँदा तत्कालै चाहिने केही आधारभूत औषधिहरू अहिले नेपालमा सहजै पाइँदैन।