कृष्णभीरमा बिहीबार बिहानदेखि दुईतर्फी सडक सञ्चालन हुने

चितवन– त्रिशूली नदीको बाढीले सडकको तल्लो भाग बगाएपछि भासिएको कृष्णभीरमा नयाँ ट्र्याक निर्माण गरी बिहीबार बिहानदेखि दुईतर्फी यातायात सञ्चालन गरिने भएको छ।

बाढीका कारण गत भदौ १४ गते कृष्णभीरमा सडक भासिएपछि राजमार्ग पूर्णरूपमा अवरुद्ध भएको थियो। त्यसपछि भदौ १८ गतेदेखि नजिकैको ढिस्को काटेर वैकल्पिक नयाँ ट्र्याक निर्माणको काम अघि बढाइएको थियो।