मर्यादापालकले सभामुखलाई कुसनले छेकेर बैठक चलाइँदै

काठमाडौं । प्रतिपक्ष सांसदहरुको लगातारको अवरोधपछि सभामुख डीपी अर्याललाई कुर्सीमा चारैतिरबाट घेरेर संसद् बैठक सञ्चालन गरिएको छ ।

प्रतिनिधिसभा नियमावली पारित गर्ने कार्यसूचीलाई सभामुखले जबर्जस्ती अघि बढाएपछि प्रतिपक्षका सांसदले अवरोध गरेका थिए ।

१५ मिनेटका लागि स्थगित गरिएको बैठक केही समयपछि सुरु गरिएको थियो । तर सभामुखलाई चारैतिरबाट मर्यादापालकले छेकेर नदेखिनेगरी बैठक सञ्चालन गरिएको थियो ।

सभामुखलाई कुर्सीमा राखिएको कुसनले छेकेर मर्यादापालकले सुरक्षा दिएका थिए ।