प्रदेशसभा सदस्य निर्मला लिम्बूलाई हटाउने तयारीमा जसपा नेपाल

जनता समाजवादी पार्टी (जसपा) नेपालले कोसी प्रदेशसभाकी सांसद निर्मला लिम्बुलाई पदमुक्त गर्ने तयारी थालेको छ। सर्वोच्च अदालतले पार्टी विभाजनको विवादमा उपेन्द्र यादव नेतृत्वको जसपा नेपालको पक्षमा फैसला सुनाएपछि पार्टीले लिम्बुलाई हटाउने प्रक्रिया अगाडि बढाएको हो। अशोक राई नेतृत्वको समूहले पार्टी फुटाएर नयाँ दल गठन गर्दा लिम्बुले राईको पक्षमा सनाखत गरेकी थिइन्।

गत बिहीबार सर्वोच्च अदालतका न्यायाधीशहरू कुमार रेग्मी, महेश शर्मा पौडेल र श्रीकान्त पौडेलको पूर्ण इजलासले उपेन्द्र यादव नेतृत्वको जसपा नेपाललाई नै आधिकारिकता दिने निर्णय गरेको छ।