चितवन सडक आश्रित मानवमुक्त जिल्ला घोषणा

चितवन जिल्लालाई सहयोगापेक्षी सडक आश्रित मानवमुक्त जिल्ला घोषणा गरिएको छ । मानवता प्रवद्र्धन महाअभियानलाई सफल बनाउने उद्देश्यसहित मानव सेवा आश्रमको सहकार्यमा आइतबार एक कार्यक्रमको आयोजना गरि जिल्लालाई औपचारीक रूपमा सडक आश्रित मानवमुक्त घोषणा गरिएको हो ।

कार्यक्रममा बागमती प्रदेशका मुख्यमन्त्री इन्द्रबहादुर बानियाँले घोषणा मात्र नभई यसको दिगोपनाका लागि सबै पक्ष जिम्मेवार बन्नुपर्ने बताए । उनले मानव सेवासँग जोडिएका कार्यमा प्रदेश सरकारको पूर्ण सहयोग रहने प्रतिबद्धता व्यक्त गर्दै बागमती प्रदेशलाई नै सडक आश्रित मानवमुक्त प्रदेश घोषणा गर्ने योजना ल्याउन आग्रह गरे ।