मोबाइलको ब्याट्री छिट्टै सकिन्छ ? अपनाउनुहोस् यो सजिलो उपाय

काठमाडौं । आजको समयमा मोबाइल फोन दैनिक जीवनको अभिन्न हिस्सा बनेको छ । कुराकानी गर्नेदेखि इन्टरनेट चलाउने, फोटो-भिडियो खिच्ने, सामाजिक सञ्जाल प्रयोग गर्ने तथा विभिन्न काम गर्न मोबाइलको प्रयोग बढ्दो छ । यी सबै कामका लागि मोबाइलको ब्याट्री महत्वपूर्ण हुन्छ ।

तर मोबाइलको धेरै प्रयोग गर्दा ब्याट्री छिट्टै सकिन सक्छ । विशेष गरी बाहिर रहेका बेला फोनको चार्ज कम भयो र तत्काल चार्ज गर्ने सुविधा उपलब्ध भएन भने समस्या हुन सक्छ । यस्तो अवस्थामा मोबाइलमा उपलब्ध Battery Saver वा Low Power Mode फिचर प्रयोग गरेर ब्याट्रीको खपत कम गर्न सकिन्छ ।