राष्ट्रिय पाठ्यक्रम प्रारूप परिमार्जनका लागि देशभरबाट सुझाव सङ्कलन, एआईदेखि उद्यमशीलतासम्म जोड दिन माग

काठमाडौं – विद्यालय शिक्षाको राष्ट्रिय पाठ्यक्रम प्रारूप, २०७६ परिमार्जनका लागि देशभरबाट रचनात्मक सुझाव तथा पृष्ठपोषण सङ्कलन गरिएको छ । पाठ्यक्रमलाई समयसापेक्ष र व्यवहारिक बनाउन नैतिक शिक्षा, संस्कार, कृत्रिम बुद्धिमत्ता, सङ्केत लेखन, जलवायु परिवर्तन, सीप तथा उद्यमशीलतालाई प्राथमिकताका साथ समेट्नुपर्ने सुझाव प्राप्त भएका छन् ।

सातै प्रदेशमा सञ्चालन गरिएको सुझाव सङ्कलन अभियानमा २५ हजारभन्दा बढी व्यक्ति सहभागी भएका छन् । पाठ्यक्रम विकास केन्द्रले २८ जिल्लाका नगरपालिका, गाउँपालिका, विद्यालय तथा कक्षाकोठामै पुगेर विद्यार्थी, शिक्षक, अभिभावक, स्थानीय तह तथा अन्य सरोकारवालासँग प्रत्यक्ष छलफल गरेको हो ।