ललितपुरमा सम्पदा क्षेत्रमा ई–शटल बसदेखि फोहोर व्यवस्थापनमा प्रविधिसम्मको बजेट

काठमाडौँ । ललितपुर महानगरपालिकाले ऐतिहासिक तथा सांस्कृतिक सम्पदाको संरक्षण र सहरी वातावरण सुधारका लागि नयाँ प्रविधि र सवारी साधनको प्रयोग गर्ने नीति अघि सारेको छ । आगामी आर्थिक वर्षको बजेटमा सम्पदा क्षेत्रमा वातावरणमैत्री ‘ई–शटल’ बस सञ्चालन गर्ने कार्यक्रम समावेश गरिएको छ ।

त्यसैगरी सहरको फोहोरमैला व्यवस्थापनलाई प्रभावकारी बनाउन ‘एलएमसी गार्बेज एप’ सञ्चालनमा ल्याइने र ‘एमआरएफ प्लान्ट’ को स्थापना गरिने बजेट वक्तव्यमा उल्लेख छ ।

फोहोरमैला व्यवस्थापनका लागि इन्सिनेरेटर प्लान्ट लगायतका प्रविधि जडान गर्न आगामी वर्षका लागि बजेट विनियोजन गरिएको छ ।