पहिले सूचना लुकाउँदा अहिले बर्डफ्लुको जोखिम

ललितपुरस्थित सदर चिडियाखानामा बर्डफ्लु संक्रमण फैलिएको विषय समयमै सार्वजनिक नगरिएको आरोपपछि राष्ट्रिय प्रकृति संरक्षण कोषले चिडियाखानाका प्रमुख सत्यनारायण साहलाई जिम्मेवारीबाट हटाउँदै घटनाबारे औपचारिक छानबिन अघि बढाएको छ।

संक्रमण देखिएपछि आवश्यक सतर्कता अपनाउन ढिलाइ भएको, सम्बन्धित निकायलाई समयमै जानकारी नदिएको तथा जोखिम व्यवस्थापनमा कमजोरी देखिएको प्रारम्भिक निष्कर्षपछि कोषले यो निर्णय गरेको हो।