रविले बिहान साढे ८ बजे मतदान सुरु हुन्छ भनेका थिए, होटलबाट चेक आउट गरेर आएका कार्यकर्ता अन्योलमा

रास्वपा महाधिवेशनमा स्याङ्जा जिल्लाको प्रतिनिधित्व गर्दै सहभागी हुन आएकी चण्डिका सापकोटा दिउँसो ३ बजे निर्वाचन हुने हलमा भेटिइन् । उनी विद्युतीय भोटिङ मेसिनमार्फत कसरी मतदान हुने भन्ने जानकारी प्राविधिकमार्फत लिँदै थिइन् ।

प्राविधिक श्रवण मेहताले मेसिनमा भोट कसरी हाल्ने मात्रै भनेनन्, उनले अहिलेसम्म आफ्नो टिमलाई उम्मेदवारको अन्तिम नामावली आइनसकेको पनि बताए । सापकोटा त्यतिबेला छक्क परिन्, जति बेला महतोले उम्मेदवारको सूची आइसक्दा पनि मेसिनमा नाम इन्ट्री गर्न झण्डै ८ घण्टाभन्दा बढी समय लाग्ने जानकारी दिए ।