रुपाको बजेट साढे ५५ करोड, किसानका लागि प्राथमिकता

पोखरा । कास्कीको रूपा गाउँपालिकाले आगामी आर्थिक वर्ष २०८३/०८४ का लागि करिब साढे ५५ करोडको बजेट प्रस्तुत गरेको छ । उपाध्यक्ष लालसुब्बा गुरुङले गाउँसभामा ५५ करोड ३८ लाख १ हजार रुपैयाँको बजेट प्रस्तुत गरेकी हुन् ।

पालिकाले आगामी वर्ष उत्पादन वृद्धि, रोजगारी सिर्जना, सामाजिक विकास र पूर्वाधार निर्माणलाई मुख्य जोड दिएको छ । पालिकाको पूरा बजेटमध्ये चालुतर्फ ४१ करोड ८२ लाख र पूँजीगतमा १३ करोड ५५ लाख ७१ हजार विनियोजन गरिएको छ ।