गाजामा बम विष्फोट सात तले भवन ढल्यो, २० जनाको मृत्यु, एक सय बढी भग्नावशेषमा फसेको आशंका

जेरुजेलम– गाजा सहरमा रातभर भएको बम विष्फोटका कारण सात तले एउटा भवन पूर्ण रूपमा भत्किएको छ । उक्त घटनामा भग्नावशेषमा पुरिएर पाँच बालबालिकासहित २० जना प्यालेस्टिनीको मृत्यु भएको छ ।

‘तल अल–हवा’ क्षेत्रमा रहेको उक्त सात तले भवन ढलेपछि १०० भन्दा बढी मानिस अझै भग्नावशेषमा फसेको आशंका गरिएको छ । भवनमा करिब १० परिवार बस्दै आएका थिए । भवन भत्किँदा १४ जना घाइते भएका छन् । उद्धारकर्मीहरूले भग्नावशेषमा फसेका जीवित व्यक्तिको खोजी जारी राखेका छन् ।