पशुमाथि क्रुरता : पुलबाट उर्लिंदो भेलमा फ्याँकियो कुकुर

काठमाडौं । खैरो रङको कुकुर छ । डरले काँपिरहेको त्यो कुकुरलाई रातो रङको कुर्ता सुरुवाल लगाएकी अधबैंशे महिलाले पुलबाट फ्याँक्न खोजिरहेकी हुन्छिन् । खोलामा उर्लिंदो ठूलो बाढी आएको छ । बाढीका कारण उठेका छालहरू देखिइरहेका छन् ।

पुलको किनारमै भएकाले हुन सक्छ, त्यो कुकुर ती महिलाको हातदेखि उम्कन प्रयास गरिरहन्छ । तर, ती महिलाका निर्दयी हातहरूले कुकुरलाई धेकिलिदिन्छन् । कुकुर तल उर्लँदो नदीमा चोपलिन्छ ।