सहरी विकास तथा भवन कार्यालयमा करोडौं भ्रष्टाचार : मन्त्री लम्सालकै संरक्षण, हेल्लो सरकारको उजुरी नै गायब

काठमाडौं– लुम्बिनी प्रदेशअन्तर्गत सहरी विकास तथा भवन कार्यालय, रुपन्देहीमा करोडौं रुपैयाँ अनियमितता भएको दाबी गर्दै हेल्लो सरकारमा परेको उजुरीमाथि छानबिन नभएको आरोप लागेको छ ।

उजुरीकर्ताले कार्यालयका तत्कालीन प्रमुख इन्जिनियर अनन्तकुमार देवमाथि ठेक्का, कोटेसन, साइट बिल, कर्मचारी परिचालन तथा सम्पत्ति विवरणलगायत विषयमा छानबिन गर्न माग गरेका छन् ।