सर्लाहीको साना किसान कृषि सहकारीले ७ प्रतिशतमा ऋण लगानी गर्ने

सर्लाही । सर्लाहीको हरिपुर नगरपालिकामा स्थित वडा नं ६ मा लक्ष्मीपुरमा रहेको साना किसान सहकारी संस्था लक्ष्मीपुरले अबदेखि किसानहरुलाई ७ प्रतिशतमा ऋण लगानी गर्ने भएको छ । संस्थाको १९ औँ वार्षिक साधारणसभा अध्यक्ष गमसैद मंसुरले यस्तो घोषणा गरेका हुन् ।

साना किसान सहकारी संस्था लक्ष्मीपुरको आयोजना तथा संस्थाका अध्यक्ष मंसुरको अध्यक्षतामा भएको साधारणसभामा संस्थाको कारोबार शेयर पुजी २ करोड ५१ लाख १५ हजार ६ सय, कोषहरु २ करोड ६४ लाख ६५ हजार १ सय ९४, कुल निक्षेप १८ करोड २२ लाख ६९ हजार ३ सय, लगानीमा रहेको बाँकी कर्जा ३० करोड ४७ लाख ३० हजार ८ सय २१, स्थायी सम्पत्ति २ करोड ५९ लाख ९२ हजार ६ सय ९९ तिर्नुपर्ने बाँकी ऋण १४ करोड ५९ लाख ९८ हजार ४ सय ५४ प्रस्तुत गरिएको थियो ।