यस्तो बन्यो दशौं राष्ट्रिय खेलकुदको लोगो र मस्कट

सुर्खेत । आगामी जेठमा कर्णाली प्रदेशमा हुने दशौं राष्ट्रिय खेलकुद प्रतियोगिताको लोगो र मस्कट सार्वजनिक भएको छ ।

मंगलबार ललितपुरस्थित अन्तर्राष्ट्रिय खेलकुद परिसरमा युवा तथा खेलकुदमन्त्री तेजुलाल चौधरीले लोगो र मस्कट सार्वजनिक गरे । नेपाली खेलकुदको महाकुम्भ मानिने राष्ट्रिय प्रतियोगिताका लागि मस्कटमा रेड पाण्डा राखिएको छ भने लोगोमा सात रङ, चन्द्र र सूर्य अंकित छ ।