क्रिटिक्स अवार्ड विजेतामा हरिवंशदेखि मीन भामसम्म

काठमाडौं । चलचित्र समीक्षक समाज, नेपाल (फिक्सन) ले ‘क्रिटिक्स फिल्म अवार्ड’ २०८१/ २०८२ को विजेता घोषणा गरेको छ । जेनजी आन्दोलनका कारण गत वर्षको अवार्ड त्यति बेला आयोजना गर्न नसकेको समाजले जनाएको छ । सोही कारण दुई वर्षको अवार्ड यो साता एक समारोहबिच संयुक्त रूपमा प्रदान गरिने घोषणा समाजले गरेको छ ।

समाजले वर्ष २०८१ /२०८२ मा प्रदर्शनमा आएका चलचित्रहरूको सूक्ष्म अध्ययन, प्राविधिक विश्लेषण र मूल्यांकनका आधारमा विभिन्न विधाहरूमा उत्कृष्ट स्रष्टाहरूको छनोट गरी नतिजा बिहीबार सार्वजनिक गरेको छ ।

‘क्रिटिक्स फिल्म अवार्ड २०८२’को विजेताहरू अन्तर्गत उत्कृष्ट चलचित्रमा ‘ऊनको स्वीटर’ परेको छ । यही चलचित्रबाट उत्कृष्ट निर्देशकको अवार्ड नवीन चौहानलाई प्रदान गरिने भएको छ । यस्तै उत्कृष्ट अभिनेताको अवार्ड चलचित्र ‘भूठान’बाट हरिवंश आचार्यलाई, उत्कृष्ट अभिनेत्रीको अवार्ड ‘रमिताको पिरती’बाट आना शर्मालाई प्रदान गर्ने घोषणा समाजले गरेको छ । यस्तै उत्कृष्ट पटकथा ‘ऊनको स्विटर’बाट नवीन चौहान÷सुरज कटुवाल, उत्कृष्ट छायांकार ‘भूठान’बाट सुशन प्रजापति, उत्कृष्ट सम्पादन पनि ‘भूठान’बाटै अञ्जय खड्का, उत्कृष्ट पाश्र्व संगीतको अवार्ड ‘ऊनको स्वीटर’बाट कोविद बज्रलाई प्रदान गरिने घोषणा समाजले गरेको छ ।

‘क्रिटिक्स फिल्म अवार्ड २०८१’ अन्तर्गत समाजले उत्कृष्ट चलचित्र ‘शाम्बाला’, उत्कृष्ट निर्देशक ‘शाम्बाला’बाटै मीनबहादुर भाम, उत्कृष्ट अभिनेत्री पनि ‘शाम्बाला’बाट थिन्ले ल्हामो घोषणा गरेको छ । यस्तै उत्कृष्ट अभिनेता ‘गाउँ आएको बाटो’बाट दयाहाङ राई, उत्कृष्ट पटकथा÷लेखन ‘सानो संसार’बाट सरिष्मा खत्री र सिद्धार्थ पुडासैनी, उत्कृष्ट छायांकार ‘आँखा’बाट आलोक शुक्ला, उत्कृष्ट सम्पादक ‘राजागञ्ज’बाट जे. हिम ली र एलेक्स गुर्भिट्स घोषणा समाजले गरेको छ । यसै गरी उत्कृष्ट साउन्ड डिजाइनको अवार्ड ‘गाउँ आएको बाटो’बाट किशोर आचार्यलाई, स्पेसल मेन्सन (अभिनय) अवार्ड ‘बोक्सीको घर’बाट सुपला सापकोटालाई र स्पेसल मेन्सन (कला निर्देशन) अवार्ड ‘पूर्ण बहादुरको सारंगी’बाट रोशन दिवानालाई प्रदान गरिने घोषणा चलचित्र समीक्षक समाज, नेपालले गरेको छ ।

वर्षभरी निर्माण भएर प्रदर्शनमा आएका चलचित्रहरूलाई समीक्षकहरूले गरेको समीक्षाको आधारमा यो अवार्ड प्रदान गरिँदै आएको समीक्षक समाज नेपालका अध्यक्ष सामीप्य तिमिल्सिनाले बताएका छन् ।

सम्बन्धित समाचार

‘टोलटोलमा फिल्म महोत्सव’ गर्दै काठमाडौँ महानगर

काठमाडौंमा हिमालयन रिम फिल्म प्रदर्शनी सुरु

‘मुटु फलाम भएर’ कविता कृति लोकार्पण

अन्तर्राष्ट्रिय बजारमा चलचित्र ‘पेन्सन पट्टा’

आफ्नै चलचित्रको टिकट किनेर दर्शक खोज्न बाध्य निर्माता

प्रतिनिधिसभा बैठक २ बजेलाई सर्‍यो

भारत भ्रमण’bout परराष्ट्रमन्त्री शिशिर खनालले दिए संसदलाई जानकारी

प्रतिनिधिसभामा आगामी आवको राजस्व र व्ययको वार्षिक अनुमानमाथि छलफल सुरु