विदेशमा नेपाली चलचित्रको कमाई स्वदेश भित्राउन चोर बाटो

काठमाडौं । नेपाली चलचित्र डिजिटल युगमा प्रवेश गरेसँगै यसले अन्तर्राष्ट्रिय बजारमा व्यावसायिक स्थान बनाउँदै आएको छ । सम्बन्धित चलचित्रलाई नेपालका डिजिटल सर्भरबाट विश्वका डिजिटल चलचित्र घरमा रिलिज गर्न सहज भएपछि नेपाली चलचित्रले अन्तर्राष्ट्रिय बजार लिएको हो । सोही कारण नेपालसँगै नेपाली चलचित्र अहिले दक्षिण एसिया, मध्य पूर्वी एसिया, युरोप, अस्ट्रेलिया, संयुक्त राज्य अमेरिकाका चलचित्र घरमा एकसाथ रिलिज हुने गरेका छन् ।

यसै वर्ष व्यावसायिक रूपमा सफल भएको नेपाली चलचित्र ‘लाली बजार’, ‘परालको आगो’सँगै ‘मालती मंगले’ अहिले विदेशमा प्रदर्शन भइरहेको छ । तर यो चलचित्रले विदेशमा कमाएको पैसा नेपाल भित्राउन चलचित्र सम्बन्धी कानुनमा अहिले व्यवस्था छैन ।