गुडिरहेको बसमाथि ढुंगा प्रहार गर्ने पाँचजना पक्राउ

काठमाडौं : मकवानपुरको हेटौंडा उपमहानगरपालिका–३ लेवटस्थित पूर्व–पश्चिम लोकमार्गमा यात्रुवाहक बसमा ढुंगा प्रहार गरी यात्रुसमेत घाइते बनाएको घटनामा संलग्न पाँचजना पक्राउ परेका छन्।

बुधबार बिहान अन्दाजी १:३० बजे बसमा ढुंगा प्रहार भएको घटनाको अनुसन्धानका क्रममा उनीहरूलाई पक्राउ गरिएको हो। ढुंगा प्रहारबाट बसको सिसा फुट्नुको साथै एकजना यात्रु घाइते भएका थिए। उनको अस्पतालमा उपचार जारी छ।