स्वास्थ्य बीमा संकटदेखि ३६ घण्टे ड्युटीसम्म 

चितवन, भरतपुर।

नेपाल चिकित्सक संघको पाँचौँ राष्ट्रिय स्वास्थ्य सम्मेलन बागमती प्रदेशका मुख्य मन्त्री ईन्द्र बहादुर बानियाँको प्रमुख आतिथ्यमा नवनिर्वाचित पदाधिकारीलाई पदभार हस्तान्तरण सहित सम्पन्न भयो ।सम्मेलनमा स्वास्थ्य क्षेत्रका गम्भीर चुनौती, स्वास्थ्य बीमाको संकट, चिकित्सकहरूको श्रम शोषण तथा स्वास्थ्य प्रणाली सुधारका एजेन्डामाथि केन्द्रित हुँदै सम्पन्न भएको छ। ‘नेपालमा आधुनिक, सुलभ र समानतामूलक स्वास्थ्य सेवाका लागि नवप्रवर्तनमार्फत प्राथमिक स्वास्थ्य सेवाको सुदृढीकरण’ भन्ने मूल नारासहित आयोजित सम्मेलनले ९ बुँदे घोषणापत्र जारी गर्दै स्वास्थ्य क्षेत्रको व्यापक सुधारका लागि सरकारलाई दबाब दिएको छ।