बुटवलको बजेट ३ अर्ब ८५ करोड

बुटवल । रुपन्देहीको बुटवल उपमहानगरपालिकाले आगामी आर्थिम वर्ष २०८३/८४ का लागि ३ अर्ब ८५ करोडको बजेट ल्याएको छ ।

आज बसेको १९औँ नगरसभामा उपप्रमुख सावित्रादेवी अर्यालले ३ अर्ब ८५ करोडको अनुमानित बजेट प्रस्तुत गरेकी हुन् ।

“समानता, स्वाभिमान र अवसर–बस्नयोग्य बुटवल शहर“ भन्ने नारालाई आत्मसात् गर्दै ल्याइएको बजेटमा चालुतर्फ ५२ प्रतिशत र पुँजीगततर्फ ४८ प्रतिशत रकम विनियोजन गरिएको छ ।

चालु आर्थिक वर्षका लागि बुटवल उपमहानगरले तीन अर्ब ९९ करोड २२ लाख २१ हजार दुई सय रुपैयाँको बजेट ल्याएको थियो ।

#बुटवल उपमहानगरपालिका

#बजेट २०८३/८४