राप्रपा अर्घाखाँचीको अध्यक्षमा नारायण खनाल निर्वाचित

३१ भदौ, अर्घाखाँची । राष्ट्रिय प्रजातन्त्र पार्टी (राप्रपा) अर्घाखाँचीको अधिवेशनले नारायणप्रसाद खनाललाई जिल्ला अध्यक्षमा सर्वसम्मत चयन गरेको छ ।

अधिवेशनले खनालको नेतृत्वमा १७ सदस्यीय जिल्ला कार्यसमिति पनि निर्विरोध चयन गरेको अर्घाखाँची राप्रपाका पूर्वप्रवक्ता विनोद आचार्यले जानकारी दिए । थप अन्य पदाधिकारी तथा सदस्यहरूको नाम पछि सार्वजनिक गरिने उनले बताए ।