डाक्टरको उपाधि दुरुपयोग गर्दै उपचार गर्ने महिला पक्राउ

काठमाडौँ । चिकित्सकको उपाधि दुरुपयोग गर्दै नेपाल मेडिकल काउन्सिलमा दर्ता नभई बिरामीको उपचारमा संलग्न रहेको आरोपमा एक महिला पक्राउ परेकी छन्।

केन्द्रीय अनुसन्धान ब्यूरो (सीआईबी) का अनुसार नेपाल मेडिकल काउन्सिलको नियमित अनुगमनका क्रममा काठमाडौँको चन्द्रागिरी नगरपालिका–८ स्थित स्पार्क इन्टरनेशनल हेल्थ रिसोर्टमा कार्यरत ४७ वर्षीया चेतन ए.एम. (पौडेल) गैरकानूनी रूपमा आधुनिक चिकित्सा अभ्यासमा संलग्न रहेको भेटिएपछि पक्राउ गरिएको ब्यूराका सूचना अधिकारी अनुपम शमशेर जबराले बताए ।