लैंगिक तथा यौनिक अल्पसंख्यक बालबालिकाको विषय कानुनमा समेटिनु ऐतिहासिक उपलब्धि : भूमिका श्रेष्ठ

प्रतिनिधिसभा सदस्य भूमिका श्रेष्ठले हरेक बालबालिकालाई आफ्नो पहिचानसहित सुरक्षित र सम्मानित भएर बाँच्न पाउने वातावरण बनाउनुपर्ने बताएकी छन्।

बुधबार प्रतिनिधिसभाको बैठकमा बालबालिका सम्बन्धी (पहिलो संशोधन) विधेयक, २०८३ माथिको छलफलमा बोल्दै श्रेष्ठले बालबालिकालाई पहिचानकै कारण समाजबाट लुक्नुपर्ने अवस्था अन्त्य गर्नुपर्ने बताइन्।