दल बदलेपछि बर्दगोरियाका उपाध्यक्ष गिरीको पद गयो

धनगढी । कैलालीको बर्दगोरिया गाउँपालिकाका उपाध्यक्ष गणेशराज गिरीको पद रिक्त भएको छ । निर्वाचन आयोगले दल त्याग गरी अर्को दलमा आबद्ध भएका स्थानीय तहका जनप्रतिनिधिको पद रिक्त भएको जानकारी सार्वजनिक गरेसँगै गिरीको उपाध्यक्ष पद रिक्त भएको हो ।

गिरी २०७९ सालको स्थानीय तह निर्वाचनमा तत्कालीन नेकपा (माओवादी केन्द्र)बाट बर्दगोरिया गाउँपालिकाको उपाध्यक्षमा निर्वाचित भएका थिए । निर्वाचित भएपछि उनले माओवादी केन्द्र परित्याग गरी राष्ट्रिय स्वतन्त्र पार्टी (रास्वपा)को महाधिवेशनमा प्रतिनिधिका रूपमा सहभागिता जनाएका थिए ।