प्रधानमन्त्री शाहसँग जापानी राजदूत तोरुको शिष्टाचार भेट

काठमाडौं । प्रधानमन्त्री वालेन्द्र शाहसँग नेपालका लागि जापानका राजदूत मेइदा तोरुले शिष्टाचार भेट गरेका छन्।

सिंहदरबारस्थित प्रधानमन्त्री तथा मन्त्रिपरिषद्को कार्यालयमा भएको भेटमा प्रधानमन्त्री शाहले रसुवाका बाढीपीडितप्रति जापानका प्रधानमन्त्री सानाए ताकाइची र परराष्ट्रमन्त्री तोशिमित्सु मोतेगीले व्यक्त गरेको सद्भाव, ऐक्यबद्धता, सहानुभूति तथा समवेदनाप्रति धन्यवाद व्यक्त गरे।