नेपाल र बंगलादेशबीच मार्चमा ३ खेलको टी–२० सिरिज हुने

काठमाडौं । नेपाल र बंगलादेशबीच तीन खेलको टी–२० सिरिज हुने भएको छ । नेपाल क्रिकेट संघ (क्यान) र बंगलादेश क्रिकेट बोर्ड (बीसीबी) को संयुक्त पहलमा आगामी मार्चमा सिरिज आयोजना हुने भएको हो ।

नेपाल र बंगलादेशबीचको सिरिज हालै नेपालमा आएको विनाशकारी बाढी विपद्का क्रममा ज्यान गुमाएका व्यक्तिहरूको स्मृतिमा समर्पित गरिने भएको छ । क्यानका अनुसार सिरिजलाई क्रिकेट मैदानमा हुने खेलमा मात्रै सीमित नराखी नेपालको समग्र क्रिकेट विकासमा दीर्घकालीन सहकार्यका रूपमा अघि बढाइनेछ ।