उत्तर कोरियाली नौसेनालाई आणविक हतियारले सुसज्जित गर्दैछन् किम जोङ उन

उत्तर कोरिया आफ्नो नौसेनालाई आणविक हतियारले सुसज्जित बनाउने कार्यक्रम योजनाअनुसार अगाडि बढिरहेको त्यहाँका नेता किम जोङ उनले बताएका छन् । साथै उनले १० हजार टन क्षमताका रणनीतिक युद्धपोत निर्माण गर्ने महत्त्वाकाङ्क्षी योजना पनि सार्वजनिक गरेका छन् ।

उत्तर कोरियाको सरकारी समाचार संस्था कोरियन सेन्ट्रल न्यूज एजेन्सी (केसीएनए)का अनुसार किमले मंगलबार नाम्पो बन्दरगाह सहरमा आयोजित एक समारोहमा यस्तो घोषणा गरेका हुन् ।