ट्याङ्करबाट डिजेल चोरी घटना: दुई चालकविरुद्ध चोरी मुद्दा दर्ता

नेपाल आयल निगमका लागि अमलेखगञ्जबाट लुम्बिनी प्रादेशिक कार्यालय भलवारीतर्फ ल्याउँदै गरिएको डिजेल बाटोमै ट्याङ्करबाट निकालिएको खुलेपछि प्रहरीले अनुसन्धान अघि बढाएको छ। घटनामा संलग्न रहेको आरोपमा दुई चालकविरुद्ध चोरी मुद्दा दर्ता गरिएको छ।

लुम्बिनी रोडस्थित सर्राफ आयल पम्पमा ट्याङ्करबाट डिजेल निकालिएको सूचनाका आधारमा प्रहरीले मंगलबार छापा मारेको थियो। छापा मार्दा ट्याङ्करको सिल तथा ताला तोडेर डिजेल निकालिरहेको अवस्थामा दुईवटा ट्याङ्कर फेला परेका थिए।