रसुवा बाढी : मृत्यु हुनेको संख्या १४ सय ३ पुग्यो, ६ हजारभन्दा बढी अझै बेपत्ता

काठमाडौं। रसुवामा आएको बाढीका कारण हालसम्म १ हजार ४०३ जनाको मृत्यु भएको पुष्टि भएको छ। राष्ट्रिय विपद् जोखिम न्यूनीकरण तथा व्यवस्थापन प्राधिकरणले बुधबार साँझ ७ बजेसम्मको अद्यावधिक तथ्यांक सार्वजनिक गर्दै मानवीय क्षति तथा उद्धार विवरण बाहिर ल्याएको हो। फेला परेका मृतकको विवरणमा ५४४ पुरुष, ३३६ महिला तथा ५२३ वटा आंशिक मानव अंगहरू रहेका छन्। बाढीमा परेर अझै ६ हजार १५० जना बेपत्ता रहेको प्राधिकरणले जनाएको छ।

बाढीका कारण विभिन्न जिल्लाहरूमा मानवीय क्षति पुगेको छ। संकलित विवरण अनुसार सबैभन्दा धेरै चितवनमा ३९४ जनाको मृत्यु भएको छ। यस्तै नवलपरासी पूर्वमा २३२, नवलपरासी पश्चिममा २२२, नुवाकोटमा २०२, रसुवामा १९३, गोरखामा ७८, धादिङमा ७२ तथा तनहुँमा ३८ जनाको ज्यान गएको छ। यस्तै उपचारका क्रममा काठमाडौंमा २ जनाको मृत्यु भएको छ। खोजी तथा उद्धारका क्रममा हालसम्म १३ हजार ७४२ जनाको सकुशल उद्धार गरिएको छ।